1.2018-жылдын фестивалынын күн тартибине жана инновациялык укук коргоочу лабораторияларга беш компонентти киргизүү жарандык агартуу үчүн кеңири аянтчаны түзүүгө жана жарандардын бардык деңгээлдерде чечим кабыл алуу процессине катышууга багытталган. Адамдардын тартылуусу жана катышуусу – бул коммуникациянын үзгүлтүксүз процесси жана ал өз учурунда бийликтин айкындыгына жана отчеттуулугуна дем берип коомчулуктун ишенимин жаратат.

2. Беш компонент Туруктуу өнүктүрүүнүн максаттарына (ТӨМ) жетүүсүнө жардамдашканга жөндөмдүү бардык жарандар үчүн өзүнчө чакырык катары эсептелет. Кыргызстанда туруктуу өнүгүүнүн 20140-жылына чейинки Улуттук стратегиясы иштелип чыккан[1] Ал Максатка демократия жана адам укуктарынын принциптерин кармануу менен гана натыйжалуу жетсе болот. Беш компонентти ишке ашыруу ошол ишенимден кайтпай жетүүгө мүмкүнчүлүк берет.

3. Беш компонент көнүмүш алкактан чыгууга мотивациялайт, дүйнөгө жана ар бир адамдын мүмкүнчүлүгүнө жаңы көз караш менен кароого, инновацияларды издөөгө жана пайдаланууга, ТӨМгө жетүү үчүн жардамдашуу үчүн кызматташууга шарт түзөт. Бул ааламдык чакырык кылган биздин дүйнө үчүн эң жаңы жол: өзүбүздү өзгөртүү менен айланада да чоң өзгөрүүлөргө жетишүү.

"Бир Дүйнө Кыргызстан-2018” адам укуктары боюнча документалдык фильмдердин XII эл аралык фестивалын өткөрүүнүн аралыгында Туруктуу өнүктүрүүнүн алкагындагы укук коргоо мамилесин коштогон инновациялык лабораториялар жана мастер-класстар өткөрүлөт.Бүгүнкү күнү саясий жана диний фундаментализмдин ааламдык чакырыктары коомдук коркунуч алып келип, дүйнөдөгү көптөгөн өлкөлөрдүн туруктуу өнүгүүсү үчүн биргелешип тынчтыкта жашоого тоскоол кылууда.

Лабораториялар 13-15-ноябрда, Бишкек шаарында өткөрүлөт.

Иш-чаранын катышуучулары балдардын укуктарын жана мүмкүнчүлүктөрүн кеңейтүү, эмгек укуктары, жабык мекемелерде кыйноо боюнча окуялар жөнүндөгү инструменттердин жана сунуштамалардын үстүндө иштешет.

«Ааламдык шторм: фундаментализмдин өсүүсү жана келечекке коркунуч» лабораториясы адамдын теңдиги жана нарктуулугу маселесине басым жасайт, укук коргоочулар финансылык сабаттуулук көйгөйүн жана Кыргызстандын туруктуу өнүгүүсүнө тышкы карыздын таасирин талкуулашат. Бишкек мэриясынын Өнүктүрүү агенттиги менен биргеликте "Шаарлар шаарларга: жарандардын ролу, өнүгүү максатында өнөктөштүк” өнөрканасы уюштурулса, аялдар ӨЭУларынын форуму башка уюмдар менен биргеликте: укук коргоо мамилесин коштогон Туруктуу өнүктүрүүдөгү дүйнөлүк тажрыйбаны пайдалануу менен "Кантип өз өлкөңдүн ээси боло аласың” деген маселени изилдешет.

Документалдык кинодогу инновациялар боюнча мастер-классты Чыгыш Европа жана Борбор Азиянын өлкөлөрүнүн жетектөөчү адистери алып барышса, Теңдеш коалициясынан уюштурулган коалиция теңдештик жана дискриминацияга каршы принциптери жөнүндө агартууга басым жасайт.

Иш-чаранын акыркы күнү жарандык коомдун уюмдары үчүн саясий мейкиндикти өнүктүрүүгө арналат. Тынчтыкты орнотуу жана медиа технологиялар мектеби мастер-классты негизги өнөктөштөр менен биргеликте: демократия + адам укуктары + адилет жана айкын бийлик туруктуу өнүгүүнүн кепилдиги принцибине таянуу менен өткөрөт.

«Бул жылы лабораториялардын форматы өткөн жылкыга караганда өзгөчө, себеби алар актуалдуу проблемаларга багытталган, - дейт "Альтернатива” Борборунун жетекчиси Лира Асылбек. «Өнөрканалар жетектөөчү эксперттерге, жарандык бирикмелердин өкүлдөрүнө жана бийликтегилерге бүгүнкү күндүн негизги чакырыктарына басым жасаганга мүмкүнчүлүк берет. Адам укуктарынын ишке ашуусуна эмне жана ким тоскоолдук кылып жаткандыгын, айланада эмне болуп жатканын, ошол коркунучтарды кантип азайтуу керектигин, кайсы өлкөлөрдө позитивдүү өзгөрүүлөрдүн натыйжасы бар экендигин, ошол коркунучтарды кантип төмөндөтүш керектигин түшүнүүгө жана позитивдүү өзгөрүүлөр үчүн бийлик, бизнес структуралары менен тең өнөктөштүктү түзүүгө мүмкүнчүлүк берет.

Тажрыйба, пикиралмашуу, коомдогу маанилүү проблемалардын үстүндө иштөө мыкты инновациялык мамилени жана чечимдерди табууга жардам берет. Мында Интернет технологиялар дагы уникалдуу роль ойнойт.

Лабораториялардын программасы мында LAB_2018_FINAL_russ.pdf [1,03 Mb] (cкачиваний: 4) LAB_2018_FINAL__eng.pdf [967,98 Kb] (cкачиваний: 4)

Маалымат: адамды өнүктүрүүнүн конфигурациясы жөнүндө.

Адамдар: Адам өнүгүүсү адамдардын жыргалчылыгын жакшыртууга ыклас коюлган, экономикалык өсүү автоматтык түрдө бардыгы үчүн жыргалчылыкка жетет дегенди алдын ала болжолдогон эмес. Кирешенин өсүүсү анын аяккы жыйынтыгы эмес, өнүгүүнүн каражаты катары каралган.
Мүмкүнчүлүктөр: Адам өнүгүүсү адамдар үчүн орчундуу болгон жашоого көбүрөөк эркиндик берет. Иш жүзүндө бул адамдардын жөндөмүн өнүктүрүү жана аны пайдаланганга мүмкүнчүлүк берүү дегенди туюнтат. Мисалга, билим алуу көндүмдөрдү калыптандырганга жардам берет, бирок адам иштегенге мүмкүнчүлүгү болбосо же жергиликтүү эмгек рыногуна туура келбесе ал көндүмдөрдүн пайдасы жок. Адам өнүгүүсүнүн негизине үч компонент жатат: адам узак, саламаттыктагы жана чыгармачыл жашоону жашашы зарыл, татыктуу жашоо деңгээли үчүн керектелүүчү ресурстарды билиши жана ага жеткиликтүү болушу керек.

Тандоо укугу: Адам өнүгүүсүнүн негизинде кеңири тандоо мүмкүнчүлүгү жатат. Адамдарга мүмкүнчүлүктөр берилет, ошого карабастан алар аны пайдаланганга милдеттүү эмес.
Адамды эч ким бактылуу болот деп кепил боло албайт, ал эми адамдын өзүнүн тандоосу – анын жеке чечими. Өнүгүү процесси – адам өнүгүүсү – бери дегенде адамдар үчүн, жеке жана коллектив үчүн, алардын потенциалынын толук кандуу өнүгүүсү жана жемиштүү жана чыгармачыл жашоосунун жүргүзүү үчүн акыл-эс менен калчанган мүмкүнчүлүктөргө чөйрө түзүп бериши керек.

Кыргызстанда өткөрүлгөн 11 фестивалда дүйнө жүзүнүн 450 өлкөсүнөн документалдык кинолор, анын ичинде Чыгыш Европа жана Борбор Азиядан келген документалистика да көрсөтүлгөн. Фильмдердин бардыгы коомдогу укуктуулук аң-сезимди калыптандырууга жана адамдын социалдык проблемалары жана укугу жөнүндө тасма тарткан режиссёрлорду колдоого багытталган.

«Бир Дүйнө Кыргызстан» укук коргоочу кыймылдын жетекчиси, фестивалды уюштуруучу Төлөйкан Исмаилова Кыргызстанда өткөрүлүп жаткан мындай иш-чаралардын маанилүү экендигин айрыкча белгилеген мурдагы фестивалдардан мисал келтирди.

Документалдык фильмдердин эл аралык фестивалынан 11 сүрөтү

Төлөйкан Исмаилова:

Бул 2010-жылдагы фестиваль эле, анда биз биздин бийликтин тышкы саясатка келгенде канчалык деңгээлде алсыз экендигине күбө болгонбуз. Бизге белгилүү укук коргоочу, Уйгур дүйнөлүк конгрессинин жетекчиси Рабия Кадырдын өмүр баяны жөнүндө "Сүйүүнүн 10 шарты” деген тасмасын көрсөтпөй, тыюу салышкан. КР Президентинин Администрациясынын экс-башчысы, атайын кызматтар Кытайдын Кыргызстандагы Элчилиги жактырбайт дешкен.

Биздин иш-чарага ар кайсы өлкөлөрдөн мыкты эксперттердин келгендиги суктандырат, айрыкча бизге таасир бергени - "One World" адам укуктары боюнча документалдык фильмдердин эл аралык фестивалынын мурдагы директору фестиваль Игорь Блажевич Прагадан эки жолу келди. Ал биздин фестивалды элдик деп белгиледи! Ал активдүү жаштардын жана лидерлердин катышуусунда өткөрүлөт. Келечегибиз бар! Алар чыгармачыл келишет, жана "стигмасы” жок. Фестивалдын темалары дайыма аялуу адамдардын толгоосу жеткен проблемаларын көтөргөндүгүнө байланыштуу, биз дүйнөдө эмне болуп жаткандыгынын баарын билебиз жана талаш-тартыштардын алдын алуу менен алектенгенге жана Туруктуу өнүгүүнү айтып жатып, адам укуктарынын жана эркиндиктеринин жогорку принциптерине көңүл койгонго мүмкүнчүлүгүбүз бар.

3.Анан албетте, үчүнчүсү, бул – фильмден кийин көрсөтүүлөр менен дискуссиялар гана болбостон, өнөктөштүктүн жана тилектештиктин аянтчасы түзүлүүдө, тажрыйба алмашуу, жарандык көпүрөлөрдүн өнүгүүсү жүрүүдө. Эң негизгиси – кыргыз тилинин өнүгүүсү, себеби бардык документалдык фильмдер көрүүчүлөргө субтитрлер менен көрсөтүлөт. Бул фестиваль ар бир адам үчүн!

Дүйнө жүзүнөн, анын ичинде Борбор Азия жана Чыгыш Европа өлкөлөрүнөн келген 450 документалдык фильм.

Иш-чара ар жылы чыгармачыл жана инновациялык форматта өткөрүлөт, себеби ал катышуучу фестиваль.

Аялуу адамдардын толгоосу жеткен орчундуу проблемаларын көтөрөт, биз дүйнөдө эмне болуп жаткандыгынын баарын билебиз жана талаш-тартыштардын алдын алуу менен алектенгенге жана Туруктуу өнүгүүнү айтып жатып, адам укуктарынын жана эркиндиктеринин жогорку принциптерине көңүл койгонго мүмкүнчүлүгүбүз бар.

«Адам нарктуулугу үчүн!» темасындагы ХII Эл аралык укук коргоочу документалдык фильмдер-2018 фестивалы

БУУнун адам укуктары боюнча Жалпы декларациясынын 70 жылдыгына арналды жана "Бүгүн эртеңки күн үчүн иштейбиз” деген девиз боюнча өтөт. Жыл сайын өтүүчү «Бир Дүйнө-Кыргызстан» уюштурган фестиваль бишкекте, 2018-жылдын 12-16-ноябрында Бишкекте өткөрүлөт.

Конкурска Кыргызстан, Норвегия, Швеция, Китай, Чехия, Швейцария, Россия, Германия, Польша, Бельгия, АКШ, Австралия, Индия, Улуу Британия, Канада, Украина, Парагвай, ТАРдай 18 мамлекетинен 55 фильм келген. Комиссия алардын ичинен эң мыкты жана күчтүү картиналарды тандаган.

Бул жылдагы документалдык фильмдердин сценарийи балдардын, аялдардын жана аялуу топтордун, жабык мекемелердеги кыйноолорго, мигранттарга, дискриминациядан запкы тарткан жана соттук адилеттүүлүккө жеткенге мүмкүнчүлүгү жок адамдарга арналган. Ошондой эле кинотасмалар экологиялык жактан кооптуу аймактарда жашаган жана оор менен жакырчылыктан жабыр барткан адамдар айтат. Темалардын палитрасы өтө түрдүү, бирок аларды бир нерсе бириктирет – ар бир адамдын татыктуу жашоосуна жалпы адамзаттык камкордук.

Фестивалдын идеясын бул жылы Бишкек шаарынын мэриясы, борбордун акимияттары колдоду жана документалдык тасмалар шаардын ар бир районунун кинотеатрларында: «Манас», «Россия», «Октябрь» жана «Ала-Тоо» кинотеатрларында көрсөтүлөт. Көрүүчүлөр үчүн эшик ачык. Ар бир тасмадан кийин документалисттер менен жолугушуу өтөт жана көрүүчүлөр алар менен баарлаша жана өзүнүн кызыккан суроолоруна жооп ала алышат. Талкууга аудитория менен кошулуп тасманын каармандары, бийлик өкүлдөрү, эксперттер жана журналисттер катышат. Фильмдерди талкуулноонун жыйынтыгы боюнча бардык сунуштамалар жергиликтүү жана мамлекеттик бийлик органдарына, адам укугу боюнча улуттук укук коргоо институттарына жөнөтүлөт жана тилектештик тармактары боюнча жайылтылат.

Фестивалдын акыркы күнүндө конкурстук эмес негиздеги, иденттүүлүгү айкашкан коомчулук туш болуп жаткан дискриминациялоо жана социалдык адилетсиздиктерге тийиштүү ар кандай маселелерди ачкан фильмдер көрсөтүлөт.

«Биздин фестиваль бир нече жылдан бери – долбоор эмес, тилектештердин, активисттердин, искусство адамдарынын жана укук коргоочулардын биргелешкен волонтёрдук иши экендигине сыймыктанабыз», - дейт Бир Дүйнө Кыргызстан укук коргоочу кыймылынын директору Төлөйкан Исмаилова. – Бүгүн биз жаңы мамилени, инновациялык жолдорду издеп жатып, укук коргоочу күн тартиби жана гендердик теңчилик менен Туруктуу өнүгүүнүн стратегиясына натыйжалуу салым кошконго умтулуп жатабыз».

Кинофестиваль Кыргызстандын бийлигинин аймактарда чакан жана орто ишкердикти колдоо, инвестицияларды тартуу, региондорду өнүктүрүүгө жана жумушчу орундарды түзүүгө багытталган долбоорлорду кредиттөө боюнча финансылык институттардын жана фонддордун ишин активдештирүүнү колдоонун жаңы форматында өтөт[1].

Фестивалдын алкагында бийлик жана бизнестин өнөктөштүгү аркылуу жетишүүгө мүмкүн болгон, туруктуу өнүгүүнүн максатына арналган 10 инновациялык лаборатория жана мастер-класстар, ошондой эле калктын аялуу катмарларынын көйгөйлөрүн чечүү үчүн креативдүү ыкмалары өткөрүлөт. Лабораториялар жарандык агартуу үчүн платформаларды түзөт, чечим кабыл алууда жарандардын катышуусун стимулдаштырат, анын ичинде өнүгүү маселелеринде КРда ак ниет башкаруунун принциптерин сүрөмөлөп жатып, мамлекеттик деңгээлде дагы жаңы саясатты шарттайт[2]. Бул мастер-класстык сабактарды «Бир Дүйнө Кыргызстан» улуттук жана эл аралык өнөктөштөрдүн патронаждыгы алдындагы белгилүү атактуу чет элдик жана регионалдык эксперттер өткөрүшөт. А кинодокументалисттер үчүн мастер-класста өзүнүн тажрыйбасы менен казакстандык «Партизандык кино» медиа-тобу бөлүшөт.

Маалымат үчүн: Адам укуктары боюнча документалдык фильмдердин Эл аралык фестивалы 2007-жылдан бери өзгөрүүдөгү дүйнөдө укук менен эркиндиктин негизги темаларын көтөрүп жаткан активдүү аракеттеги Жарандык Платформа болуп эсептелет. Бул Борбор Азиядагы укук коргоо тармагындагы документалдык чындыкты талкуулоо үчүн ар кайсы өлкөдөгү кинематографисттерди тартуу менен талкуулоого кеңири мүмкүнчүлүк берген фестиваль болуп эсептелет.

Бул жылы 70 жылдыгын белгилеп жаткан адам укуктарынын жалпы декларациясы БУУнун Генералдык Ассамблеясы тарабынан 1948-жылы 10-декабрда кабыл алынган[3]. Бул документ ар бир адам ээ болгон жарандык, маданий, экономикалык, саясий жана социалдык укуктардын бири-бирине көз карандылыгын жарыялайт.

Толугураак маалымат үчүн: www.birduino.kg

https://www.facebook.com/birduinofest/?notif_id=1540181629171346&notif_t=page_admin&ref=notif

E-mail: birduinokyrgyzstan@gmail.com тел: +996312 383330

[1] Указ президента КР об объявлении 2018 года
Годом развития регионов, http://www.president.kg/ru/sobytiya/ukazy/5794_prezident_sooronbay_gheenbekov_podpisal_ukaz_ob_obyavlenii_2018_goda_godom_razvitiya_regionov

				[2] https://rus.azattyk.org/a/28385722.html, http://www.gov.kg/?page_id=16966

			[3]http://www.un.org/ru/documents/decl_conv/declarations/declhr.shtml

Бул мааламаттык баракча «Зомбулук коштогон экстремизмди медиа аркылуу жайылтууга каршы күрөшүү жана кабардар болууну жакшыртуу» долбоорунун алкагында Кыргыз Республикасындагы АКШ Элчилигинин Демократиялык комиссиясынын каржылык колдоосу менен даярдалган. Бул жерде келтирилген сунуштар, корутундуулар жана пикирлер, авторлордун оюн гана билдирет. АКШ мамлекеттик департаментинин коз карашына дал келбеши мүмкүн.

Аталган теманы 2017-жылдын октябрь-ноябрь айларында жергиликтүү маалымат каражаттарында жарыяланышын иликтеген учурда, Кыргызстанда исламофобия жана жек көрүүчүлүк кеңири таралган көрүнүш экендиги аныкталды. Иликтөө учурунда эксперттер айрым кооптуу көрүнүштөрдү, тагыраак айктанда, кээ бир маалымат каражаттары ислам менен экстремизм түшүнүктөрүн окшоштук катары чагылдырган учурларды кездештиришкен. Авторлордун 60 пайызы ислам деген сөздү ислам дини же исламдык экстремизмге тишеси жок учурларда да колдонушкан. Ошентип, эстремизм менен исламдын ортосунда кандайдыр бир байланыш бар деген ой, окурмандарга кыйыр түрдө таңууланып үстөккө босток айтылган. Мындай жек көрүүчүлүк сезим жергиликтүү массалык маалымат каражаттарында жарыяланган текстерде, комментарийлерде, репортаждарда, айрым алып баруучулардын сөздөрүндө камтылган.

Борбордук Азиядагы Тынчтыкты OрнотууЖана Медиатехнологиялар Мектеби Америка Кошмо Штатынын Бишкектеги элчилигинин Демократиялык комиссиясынын колдоосу менен «Массалык маалымат каражаттары аркылуу экстремизм жана башка терс көрүнүштөрдүн жайылышын алдын алуу» деген теманын алдында өтүүчү үч күндүк тренинге катышууга журналисттердин арасында сынак жарыялайт. Тренинг 2018-жылдын 26,- 27-, 28- февралында Бишкек шаарында өткөрүлөт.

Бардык чыгашалар уюштуруучулар тарабынан төлөнөт.

Окутуу программасы учурдагы олутуу көйгөйлөрдү жана журналисттердин актуалдуу муктаждыктарын эске алууу менен түзүлдү. Тренингдин катышууучулары экстремизм, терроризм жана ага байланышкан маселелерди чагылдыруунун техникалары жана инструменттери жөнүндө маалымат алышат. Ошондой эле, алар душмандашуу тили жана анын байланыш өзгөчөлүгү медиа чөйрөсүндө радикалдык маанидеги маалыматтын таралышына кандай таасир бере тургандыгы жөнүндө окушат. Андан сырткары, журналисттер жана интернет колдонуучулардын кандай катачылыктары экстремизмдин жайылышына алып келээри тууралуу кабардар болушуп, журналисттик этика жана укуктук коопсуздук боюнча өз билимдерин бекемдешет. Тренингди бай тажрыйбага ээ эл аралык жана жергиликтүү эксперттер өткөрүшөт. Тренинге катышуу сынагына Кыргызстандын бардык аймактарынан жаш курагы 35 жашка чейинки журналисттер жана медиа кызматкерлер чакырылат.Катышуучулар сынактын негизинде тандалып алынат. Сынактан өткөндөр тренингдин бардык программаларына башынан баштап аягына чейин катышуу мүмкүнчүлүгүнө ээ болушат.

Сынакка катышу үчүн peacemakingschool@gmail.com электрондук дарегине төмөнкү документтерди жөнөтүү зарыл:

- тренинге катышуу билдирмеси (билдирменин формасын сайттан ca-mediators.netалсаңыз болот)

- резюме(CV)

- паспорт көчүрмөсү.

Баардык талаптарга жооп берген билдирме гана каралат.

Билдирмени берүүнүн акыркы мөөнөтү – 2018-жылдын 16-февралында 17-00 аяктайт.

Көрсөтүлгөн мөөнөттөн кеч берилген кайрылуулар каралбайт.

Борбордук Азиядагы Тынчтыкты орнотуу жана медиатехнология мектеби,Network ofSocial Mediators, АКШнын Кыргызстандагы элчилигинин Демократиялык комиссиясынын каржылык колдоосу менен медианы жана калкты маалымат менен кабардар кылууну күчөтүү аркылуу экстремиздин жайылышын алдын алуу боюнча долбоорду ишке ашырууда.

Долбоордун эксперттери тарабынан жүргүзүлгɵн медиа жана интернет тармагын иликтөөсүнүн жыйынтыгы өлкөдөгү диний терс кɵрүнүштɵрдɵн улам келип чыккан карама-каршылыктуу маалымат башка маалыматтын түрлөрүнө караганда, экстремисттик идеологиянын таралышына олуттуу өбөлгө болоору айтылган. Көбүнчө өлкөдөгү ар кандай медиа борборлору интернет аркылуу таратылган маалыматты колдонуу менен материал даярдашат. Мындай учурда алар коомчулукка ар түрдүү маалымат берүү менен катар, өздөрү кимдир бирөөлөрдүн азгыруусуна кирип, кайсыл бир экстремисттик идеяны таратуучу болуп калганын байкабай калышат. Ошол эле мезгилде, ар кандай түз алып көрсөтүүчү интернет сайттардын аң-сезимге ɵтɵ таасирдүү видео, аудио же сүрөттөрү ошол бойдон колдонулган учурлар кездешет. Өз мезгилинде мындай ыкмалар менен жазылган жаңылыктар зордукчул экстремизмдин идеялары өзгөртүүсүз таратып калат.

Иликтөөнүн жыйынтыктарына таянуу менен долбоордун кызматкерлери массалык маалымат каражаттарындагы жана интернет айдыңындагы зордукчул экстремизм идеяларынын таралышынын алдын алуу боюнча сунуштарды жана аны менен күрөшүү ыкмаларын иштеп чыгышты. Алардын катарына журналисттер жана коомчулук менен байланышчу адистерди окутуу программасы, ошондой эле медиакампания кызматкерлери коомчулуктун кеңири катмарында тараган жогорудагыдай көйгөйлүү маселелерди кантип туура чагылдыруу ыкмалары жөнүндө мыкты жол жоболор камтылган.

Аталган долбоорду ишке ашыруунун алкагында медиадагы терс көрүнүштөрдүн орун алышына жол бербөө максатында экстремисттик идеялардын жайылышын алдын алуу үчүн биз өз-ара түшүнүүчүлүктү күчөтүү ыкмасын колдонобуз. Бүгүнкү күнү коомчулукта ар кандай экстермисттик идеялар таралып жаткан учурда журналисттер жана коомчулук менен иш алып баруучу адистер үчүн экстремисттик идеялардын жайылышына каршы күрөшүүдө зарыл болгон колдомо куралдары жетишсиз болуп калган учурлар кездешүүдө. Ошондуктан, биздин башкы максатыбыз, аларды керектүү колдонмо материалдар менен жетишээрлик деңгээлде камсыз кылуу» - дейт Борбордук Азиядагы Тынчтыкты орнотуу жана медиатехнология мектебинин директору Инга Сикорская.

Долбоордун алкагында журналисттер жана интернет активистери экстремисттик идеялардын жайылышын дароо таанып билүүсүнө зарыл болгон заманбап ыкмаларды колдонууга үйрөтүлөт. Экстремизм жана терроризмди чагылдырууда жогорудагыдай ыкмаларды колдоно билүү, ислам маселесин терең түшүндүрүү жана түз эфирде таратылган тескери таасирдеги күчтүү маалыматтарды туура колдонууга жардам берет.